Anderson përforcim i ri i Trepçës

Basketbollisti amerikan Aaron Anderson është përforcimi i ri i Trepçës, ka bërë të ditur ekipi mitrovicas sot.

Anderson 178 centimetra i gjatë që së fundi ka qenë pjesë e Brisbane Capitals në ligën australiane të basketbollit pritet të luajë që në ndeshjen e fundjavës për mitrovicasit.

Trepça largoi nga radhët e saja amerikanin Kevin Baker pas vetëm një ndeshje që e zhvilloi ai dhe shpejt ka gjetur zëvendësimin e tij.

Playmakeri i ri i Trepçës, Aaron Anderson, në ligën australiane ka pasur mesatare prej 20 pikëve për ndeshje, 4 kërcimeve dhe 6 asistimeve.

Gjithashtu, përqindja e tij për tre pikë të shënuara atje duket impresive, derisa ka arritur të shënojë 44% të tentimeve të tij për tre.

Trepça të dielën pret Yllin në kuadër të xhiros së XVI të Superligës së Kosovës në basketboll.