Anglia demolon Iranin, për nismë të mbarë

Anglia është treguar shumë e fuqishme në ndeshjen e parë të Grupit B të Botërorit të Katarit, duke e mposhtur Iranin thellë, 6-2. Futbollistët e drejtuar nga Gareth Southgate nuk kanë kalkuluar fare dhe duke marrë iniciativën dalëngadalë, kanë gjetur golin e parë të ndeshjes.

E prej atëherë, ekipi i albionëve nuk ka pas të ndalur, derisa fituan ndeshjen pa telashe. Kapiteni Harry Kane bëri dy asistime në fitore, ndërsa Bukayo Saka shënoi dy herë në fitoren e ekipit për t’i marrë tri pikët e para.

REZULTATET, TABELAT dhe ORARI

Southgate ndërroi 4 lojtarë pas rezultatit 4-1, për t’i dhënë rastin futbollistëve tjerë të shijojnë Botërorin, e Marcus Rashford që në takimin e parë të tij me top bëri rezultatin 6-2 [Bellingham 35, Saka 43, 62, Sterling 45+, Rashford 71 - Taremi 65, 90+]. E pas 5-1 nxorri edhe kapitenin.

Përndryshe, Jude Bellingham me golin e tij të shënuar sot (të parin në Botëror) është bërë tinejxheri i parë dhe i vetëm pas Michael Owen që shënon për Anglinë në Botëror. Ndërsa të gjithë golashënuesit anglezë kanë shënuar golat e parë të tyre në Botëror sot.

Anglia në ndeshjen e radhës takohet me SHBA-të, ndërsa Irani luan ndaj Uellsit.