Arben Krasniqi: “Po e ndërtojmë strukturën”

Fatkeqësisht disa lojtarë shqiptarë që jetojnë jashtë Kosovës nuk kanë mundur të na bashkëngjiten, disa për arsye objektive e disa për subjektive, por e rëndësishme është se asnjëri prej tyre nuk kanë thënë që kurrë nuk do të luajnë për Kosovën, andaj shpresojmë se në të ardhmen do të na bashkëngjiten.

Për ne është e rëndësishme ta ndërtojmë strukturën e Kombëtares dhe të gjithë kur e kemi nisur këtë projekt edhe kemi besuar në një gjë të tillë. Unë i falënderoj të gjithë për mbështetjen e parezervë, por njëkohësisht dua t’i falënderoj lojtarët për punën dhe angazhimin e madh që po e bëjnë në çdo stërvitje.

Justin Doellman i ka zhvilluar gjatë një edicioni 80 ndeshje, pastaj Dardan Berisha gjithashtu ka shumë ndeshje të luajtura gjatë një edicioni, por të dy këta lojtarë, por edhe të tjerët që janë pjesë e Kombëtares e që kanë pasur një edicion të ngarkuar kanë pranuar që me kënaqësi t’i mbrojnë ngjyrat e Kosovës, por edhe të djersiten për këtë fanellë. Unë si trajner i të gjithë këtyre lojtarëve jam shumë krenar me gjithë atë që e kanë bërë deri më tani.