Arbër Prekazi dënohet me të holla nga KD

Komisioni Disiplinor i Federatës ka dënuar mbrojtësin e Ballkanit, Arbër Prekazi.

Për shkak të ofendimeve ndaj gjyqtarit kryesor në ndeshjen Ballkani-Drita, Prekazi ka marrë dënim me të holla prej 200 eurove, ka bërë të ditur njoftimi i FFK-së.

“Sipas raportit të gjyqtarit kryesor të ndeshjes: Sjellje jo sportive; në minutën e 71 gjyqtari e ndëshkon me kartonin e kuq pas dy të verdhëve dhe lojtari fillon me ofendime ndaj gjyqtarit kryesor. Bazuar në nenin 40 paragrafi 1 pika C: Lojtari në fjalë përveç dënimit automatik prej një ndeshje moslojë për shkak të kartonit të kuq (pas dy të verdhëve) – nuk u paraqit në ndeshjen pasuese Ballkani – Drita; DËNOHET edhe me të holla në shumë prej 200 euro për ofendime. Afati i pagesës së dënimit të shqiptuar është 8 ditë nga data kur vendimi bëhet i plotfuqishëm (Rregullorja disiplinore neni 11 paragrafi 1),” ka shkruar në njoftim.

Prekazi është njëri ndër lojtarët standard të mbrojtjes së Ballkanit, që kishte ardhur në kohën kur Ismet Munishi ishte trajner aty. Futbollisti 31-vjeçar ka luajtur në disa ekipe të Kosovës përgjatë karrierës së tij.