PAS NDESHJES
Arbnor Morina: Gjithçka na shkoi keq!
19 February, 2021 @17:09
Skuadra e Arbërisë sot u mposht me rezultat të thellë nga Prishtina, 4-0, në ndeshjen e cila u zhvillua në Ferizaj, në kuadër të xhiros 20 në Superligë.
Këtë humbje, trajneri i Arbërisë, Arbnor Morina, e cilësoi si të merituar për skuadrën kundërshtare pasi që te ekipi i tij nuk funksionoi asgjë.
“Gjithçka shkoi keq nga fillimi i ndeshjes deri në mbarimin e saj. Nuk ishim në gjendje për të reaguar pas çdo goli të pësuar dhe kjo edhe falë paraqitjes së Prishtinës, e cila e dominoi ndeshjen dhe me shumë meritë e fitoi atë. Në skuadrën tonë nuk funksionoi asgjë, munguan shumë elemente të cilat më së miri e përkufizon rezultati final i ndeshjes. Ndoshta është dështim i imi sepse kam gabuar në përzgjedhjen e futbollistëve, ose ndoshta edhe në taktikën e ndeshjes,” tha Morina për “Art Sport”.
Për ndryshe, kjo ishte humbja e dhjetë deri më tani në Superligë për Arbërinë.