ARBËRIA - PRISHTINA
6 fitore rresht, 14 ndeshje pa humbje, Prishtina me lehtësi kalon Arbërinë
19 February, 2021 @14:52
Në ndeshjen hapëse të xhiros së 20 në Superligën e Kosovës në futboll, Prishtina me lehtësi e mposhti Arbërinë me rezultat 0-4 [Leonit Abazi 9’,21’, Leutrim Kryeziu 37’, Besnik Krasniqi 90+2].
Leonit Abazi së pari shënoi në minutën e 9’ të ndeshjes, derisa e dyfishoi epërsinë në minutën e 21’.
Golin e tretë e shënoi Leutrim Kryeziu 37’, pas asistimit të Endrit Krasniqit,. Ky i fundit ishte asistues edhe te goli i parë i Prishtinës.
Krejt në fund, Besnik Krasniqi e vulosi rezultatin 0-4 në minutën e dytë shtesë të ndeshjes, pas asistimit të Leutrim Kryeziut.
Arbëria nuk kishte ndonjë rast të mirë për t’u përmendur.
Kjo ishte fitorja e gjashtë rresht për Prishtinën në të gjitha garat, kurse në 14 ndeshjet e fundit nuk ka pësuar humbje skuadra e trajnerit Zekirijia Ramadanit.
Prishtina aktualisht gjendet në pozitën e tretë në Superligë me 38 pikë, derisa Arbëria me 22 pikë në pozitën e gjashtë.