PËRFORCOHEN "SKIFTERAT"
Arens Mateli - zyrtarisht i Gjilanit
20 January, 2023 @20:25
Skuadra e Gjilanit, pas këndelljes financiare, ka nisur të angazhojë lojtarë të ri në skuadër, ndërsa i radhës është mesfushori tiranas, Arens Mateli. Futbollisti 22-vjeçar dhe 181-centimetra i gjatë luan në qendër të mefsushës, ndërsa ka edhe veti ofanzive.
Futbollisti në fjalë vjen nga Prishtina, ku ka luajtur në stinorin e kaluar, ndërsa ka qenë edhe pjesë e Ballkanit, prej ku arriti prej Akhisarsporit turk.
Ai karrierën e kishte nisur te Tirana, prej ku luajti te Kukësi për dy stinorë.
“Sport Club Gjilani me kënaqësi komunikon ardhjen e Arsens Matelit në skuadër. Mateli luan në pozitën e mesfushorit dhe vjen nga radhët e FC Prishtinës. Të gjithë në SC Gjilani i urojnë mirëseardhje Arensit dhe i dëshirojnë sukses në objektivat që ka klubi,” ka shkruar ndër të tjera SC Gjilani në njoftim.
