As rikthimi i Hazardit s’i ndihmon Realit

Real Madrid ka humbur mundësinë për të dalë në krye të LaLigas, pas një barazimi sonte ndaj Real Betisit rezistues, që në disa raste u tregua edhe i rrezikshëm.

Zinedine Zidane përkundër se në mesjavë do të duhet të zhvillojë përballjen e Ligës së Kampionëve, ka futur në lojë ekipin më të fortë për të kërkuar 3 pikët e plota, por në fund ekipet u ndanë baraz, 0-0.

Real Betis kishte posedimin më të madh të topit në pjesë të parë, por s’krijoi rrezik për shënim. Njëjtë edhe Real Madrid nuk arrinte assesi te Karim Benzema, që mbeti i izoluar në sulm.

TABELA AKTUALE

Rodrygo qëllpo shtyllën, para se Vinicius Jr të futet në lojë. Por, Betis përsëri ka qenë i rrezikshëm kur në pjesë të dytë Guido Rodriguez dhe Borja Iglesias patën raste të mira.

I rëndësishëm ishte rikthimi i Eden Hazardit te Reali. Zidane e futi në lojë 10-minuta para fundit të ndeshjes, që mbeti temë diskutimi se ndoshta ishte lëvizje e vonshme kjo, pasi që los blancos nuk arritën të bëjnë më shumë.

Me këtë, ata mbesin 2 pikë pas Atletico Madridit lider dhe mundësinë që ekipi nga pjesa tjetër e qytetit të ikë edhe më shumë në krye.