Barazim në Lipjan, pikët ndahen

Me rezultat 1-1 (Marclei Santos (P) 20’ / Xhevdet Shabani 43’) është mbyllur ndeshja e sotme mes Ulpianës dhe Malishevës në Lipjan.

Ndeshja prodhoi plot raste për shënim, por vetëm dy gola, nga një për secilën skuadër dhe kështu pikët u ndanë.

Goli i parë i ndeshjes u shënua në minutën e 20’, kur Marclei Santos i Ulpianës u tregua i saktë nga pika e bardhë. I njëjti lojtar e shpërdoroi një penallti tjetër në minutën e 41’, duke e humbur shancën që ta çojë epërsinë e Ulpianës në 2-0.

E kjo iu revanshua Ulpianës në cepin tjetër, me Malishevën që dy minuta më vonë shënoi përmes Xhevdet Shabanit dhe kështu skuadrat shkuan në pushim me rezultat të barabartë 1-1.

TABELA AKTUALE

Më pas, pjesa e dytë nuk prodhoi as edhe një gol dhe kështu ndeshja u mbyll me barazim.

Momentalisht, që të dyja skuadrat në fjalë janë në luftë për mbijetesë në elitë.

Xhiron që vjen, Ulpiana i shkon Ballkanit në Suharekë, kurse Malisheva e pret Dritën në “Liman Gegaj”.