GJILANI - ARBËRIA
Barazimi i radhës, s’ka fitore në pranverë për Gjilanin!
6 March, 2021 @15:04
S’ka as sot fitore për Gjilanin në Superligë!
Skuadra e drejtuar nga Bylbyl Sokoli barazoi sot 1-1 (Agron Bruqi (AG) 61’ / Marclei Santos 85’) ndaj Arbërisë, për të mbetur ende pa fitore në pranverë.
Pas pjesës së parë që u mbyll pa gola, epërsia e gjilanasve erdhi në minutën e 61’ të duelit.
Ishte Agron Bruqi i Arbërisë ai që shënoi në portën e gabuar, për t’ia dhënë Gjilanit epërsinë minimale.
Gjithsesi, mysafirët nuk u dorëzuan. Në minutën e 85’ të ndeshjes, ishte Marclei Santos ai që shënoi për 1-1, gol që ishte i mjaftueshëm që Arbëria të largohet me pikë nga Gjilani.
Ndonëse e kishte filluar sezonin tejet mirë, Arbëria nga Dobraja tashmë rrezikon rikthimin në Ligën e Parë, ndërkohë që Gjilani mbetet i qetë në mes të tabelës.
