A&N 1-1 LIRIA
Liria barazon në derbi me A&N, mbetet larg kryesuesve
6 March, 2021 @15:35
Derbi lokal i qytetit të Prizrenit mes ekipit të ri A&N dhe Lirisë ka përfunduar me barazim 1-1 [Diellon Dragusha 4 - Liridon Fetahaj 11].
Futbollistët e Megzon Visokës e nisën mirë takimin dhe me asistimin e Hasan Hysenit në minutën e katërt nga pjesa e majtë e fushës, Dragusha nuk e kishte të vështirë të dërgonte topin në rrjetë për epërsinë e vendasve.
Por, futbollistët e drejtuar nga Naci Sensoy u këndellën shpejtë dhe thuajse në mënyrë të njëjtë barazuan, kur krosimin nga e majta, e shndërroi në gol Liridon Fetahaj.
Më pas, Liria kishte më shumë iniciativë përgjatë lojës, por rastet e plogështa nuk rrezikuan fare portën e vendasve të A&N, derisa në përballje vëreheshin shikues të vendosur përreth stadiumit.
Barazimi i bën një hap prapa A&N-së në garë me dyshen që mban kreun e Ligës së Parë A, derisa Liria duke regjistruar barazimin e shtatë të stinorit, po mbetet pas mundësisë për luftë për Superligë.
Golat mund t’i shihni në video, në 15 minutat e para të inçizimit të ndeshjes
