Nuk këndellet Arsenal, barazon me Burnley

Arsenali nuk po arrin assesi që të krijojë formë të vazhdueshme të rezultateve.

Gunners sot nuk kanë arritur më shumë se një barazim në udhëtim tek Burnley, me rezultat 1-1, në një ndeshje ku të dyja ekipet mund të shënonin fitore.

Londinezët e filluan mirë takimin duke kaluar herët në epërsi me golin e Aubameyang, pastaj patën edhe 2-3 raste të mira shënim, por pa konkretizim.

Ndërsa disa minuta para përfundimit të pjesës së parë, mesfushori me prejardhje shqiptare, Granit Xhaka, i fali topin sulmuesit Chris Wood, i cili barazoi rezultatin në 1-1, që doli të ishte përfundimtar.