Barazimi, thikë me dy tehe!

Shqipëria ka vazhduar serinë pa humbje në kualifikimet për Kampionatin Europian Franca 2016.

Kuqezinjtë kanë arritur të mbijetojnë në stadiumin Parken të Kopenhagës, duke barazuar pa gola me rivalin e drejtpërdrejtë për kualifikim, Danimarkën.

Megjithëse ky rezultat në shikim të parë mund të vlerësohet si e suksesshme për Shqipërinë, pasi që barazimi është arritur si mysafir, e gjitha mund të ndryshojnë në rast se në fund Danimarka dhe Shqipëria përfundojnë fazën grupore me pikë të njëjta.

Raporti i ndeshjes.

Kjo për shkak se në ndeshjen e parë në Shqipëri, kuqezinjtë kishin barazuar me rezultat 1-1, që do të thotë se në rast të pikëve të barabarta mes Shqipërisë dhe Danimarkës, kjo e fundit do të renditet më lartë për shkak të golit të shënuar si mysafir.

Pavarësisht kësaj, ky rezultat mund të vlerësohet i suksesshëm për momentin pasi që Shqipëria para vetes ka edhe tre ndeshje për t’i zhvilluar, derisa Danimarka ka vetëm dy.