Barcelona ngritet në zonën e PlayOffit

Një fitore e lehtë në dukje nëse shikohet tabela, mirëpo tepër e vështirë në lojë, derisa Barcelona në çerekun e fundit kapi fitoren ndaj ekipit tepër luftarak të Zalgrisit sonte në Palau Blagurana.

Katalonasit hynë në çerekun e fundit në disavantazh 60-62 për të kthyer gjithçka në të mirë të veten për përfundimtaren 78-72 [23-20, 22-18, 15-24 dhe 18-10].

TABELA AKTUALE E EUROLEAGUE

Adam Hanga me 14 pikë ka qenë më efikasi te Barcelona, ndërsa më i rëndësishmi në ndeshje ka qenë Ante Tomic që shënoi 11 pikë, 6 kërcime e 3 asistime në fitoren e blaugranave që tash ngriten në pozitën e pestë të tabelës në Euroleague.

Te Zalgiris më i dalluari ka qenë Aaron White me 10 pikë e 8 kërcime, ndërsa më efikasi Arturas Milaknis me 17 pikë të shënuara.

Barcelona me këtë fitore ka tash bilanc 13-9, derisa Zalgirisi 8-14.