Bashkimi fiton dramën, barazohet rezultati në seri

Bashkimi ka arritur të shënojë fitoren e parë për sivjet ndaj njërës prej dy skuadrave të renditura më sipër në tabelë. Portokallezinjtë këtë e arritën duke e mposhtur Pejën me rezultat 85-80, në ndeshjen e dytë të serisë gjysmëfinale të Play Offit.​

Pjesa parë e ndeshjes kaloi nën dominimin e skuadrës së Bashkimit, madje në çerekun e dytë kur kishin mbetur edhe 6 minuta e 41 sekonda deri në përfundim, me pikët e Tuljkovicit nga gjujtjet e lira epërsia e vendasve u ngrit deri në 13 pikë (32-19).

Që nga ai moment, epërsia e prizrenasve filloi të shkrihet gradualisht, derisa në periudhën e fundit të takimit skuadrat hyrën me rezultat të barabartë 60-60.

Epërsia e parë e Pejës

Peja, e udhëhequr kryesisht nga Drilon Hajrizi, për herë të parë në epërsi doli në fillim të çerekut të katërt, dhe ate arriti ta mbajë deri 1 minutë e 34 para përfundimit të ndeshjes, kur me pikët e organizatorit amerikan të Bashkimit, Jasques Streeter, u barazua rezultati në 80-80, derisa në akcionet e radhës të portokallezinjëve po i njëjti lojtar shënoi tre herë nga katërt tentime nga gjuajtjet e lira, për t’u bërë rezultati 83-80 në të mirë të ekipit prizrenas.

Kjo e detyroi bankën pejane të kërkoj time-out vetëm 18 sekonda para fundit të takimit, në mënyrë që të organizohet sa më mirë akcioni i fundit, mirëpo as kjo nuk dha rezultat dhe në fund fitoi skuadra e Bashkimit, derisa rezultatin final e përcaktoi Mujo Tuljkovic me shënimet e tij nga vija e gjuajtjeve të lira.

Tuljkovic ishte më i dalluari në fitoren e Bashkimit duke shënuar 26 pikë, ndërsa qendra Mark Dawson luajti me double-double prej 21 pikëve dhe 13 kërcimeve.

Te verdhezinjtë i vetmi që u munda të bëjë diç më shumë ishte Drilon Hajrizi, që realizoi 33 pikë dhe 7 kërcime.

Barazohet seria

Rezultati i serisë gjysmëfinale të Play Offit ndërmjet Pejës dhe Bashkimit tani është barazuar në 1-1, ndërsa ndeshja e radhës do të luhet përsëri në Prizren. Finalisti i serisë do të përcaktohet kur njëra nga këto skuadra do të arrijë numrin e tre fitoreve.

Skema e Play Offit.

Statistikat ekipore

Statistikat individuale te Bashkimi

Statistikat individuale te Peja