“Rezultati zhgënjim për ne”

Veterani dhe kapiteni i skuadrës së Sigal Prishtinës, Edmond Azemi, në deklaratën e tij pas ndeshjes ka bërë krahasimin e lojës së skuadrës së tij me ate të Rilskit.

Edo, e ka quajtur të plogësht lojën e skuadrës së tij në fillim të ndeshjes, derisa shtoi se fitorja prej dy pikëve epërsi ishte zhgënjim për ta, pasi që pritnin fitore më të madhe, duke mos harruar që synimi kryesor është sjellja e kupës në Prishtinë.

“Ne e filluam ndeshjen plogësht, derisa ata luajtën mbrojtje agresive dhe ishin efikas. Ata gjithashtu i ndalën kundërsulmet tona. 

Ne fituam me dy pikë dallim dhe do të shkojmë atje përsëri për të fituar. Jemi pak të zhgënjyer pasi pritnim një fitore të madhe, por megjithatë do të shkojmë atje për ta fituar këtë kupë,” tha ai.

Raporti i ndeshjes Sigal Prishtina - Rilski.

Azemi e përmbylli ndeshjen me 5 pikë dhe një kërcim për rreth 22 minuta sa mbeti në fushë.