Kryetari i Panathinaikosit i kërcënoi me vdekje zyrtarët e ndeshjes

Kampioni grek në basketboll, Panathinaikos, ditë më parë arriti ta fitojë ndeshjen kundër CSKA-së së Moskës, në kuadër të Play Offit në Euroleague, për t’i mbajtur gjallë shpresat për kualifikim në Final Four.

Mirëpo, ndodhitë në prapa skenë, e lanë në hije këtë ndeshje, megjithëse kishte një fund tejet dramatik, pasi grekët fituan me rezultat të ngushtë 86-85.

Sot është bërë publike raporti i delegatit të ndeshjes, ku shkruhet qartë se si u kërcënuan me vdekje gjyqtarët e ndeshjes, e në veçanti gjyqtari turk, Recep Ankarali, nga kryetari i klubit të Panathinaikosit, Dimitris Giannakopoulos.

“Vetëm një minutë pasi u futëm në zhveshtore, dera u përplas për t’u hapur nga z.Giannakopoulos, i përcjellur nga dy persona,” përshkruhet në raport të delegatit fillimi i këtij rasti, derisa citohen edhe kërcënimet me vdejke të Giannakopoulosit drejtuar gjyqtarit Ankarali.

“Do të të vras. Nuk do të largohesh i gjallë nga Greqia. Të premtoj para syve tua. Do të të vras ty dhe famijlen tënde, dhe ky është një premtim,” ishin fjalën e Giannakopulousit, derisa nuk munguan as fyerjet më të rënda të mundshme në drejtim të gjyqtarit turk.

Në fund, thuhet se ky rast ndodhi për rreth 2 minuta, ndërsa fakti më i frikshëm ishte se gjatë këtij rasti nuk kishte përreth as një polic apo zyrtar të sigurimit.

Më poshtë mund ta shihni dokumentin zyrtar të shkruar pas ndeshjes Panathinaikos - CSKA.

Panathinaikos dhe CSKA sot do të përballen me njëra tjetrën për ta zhvilluar ndeshjen katërt të serisë së Play Offit. Ekipi rus udhëheq me rezultat 2-1 dhe i nevojitet vetëm edhe një fitore për ta siguruar Final Four-in.