ASEN NIKOLOV
Bashkimi luftoi përkundër udhëtimit të gjatë dhe lodhjes
23 January, 2019 @15:34
Trajneri i ekipit bullgar, Academic Bultex, Asen Nikolov ka përgëzuar ekipin e tij që bëri një hap tutje drejt Final Fourit të BIBL me fitore ndaj Bashkimit mbrëmë.
Mirëpo, ai ka pasur parasysh se ekipi nga Prizreni luftuar mjaft në krahasim me udhëtimin dhe ndeshjen që e kishin.
“Pas pjesës së parë koncentrimi në mbrojtje na solli fitoren me pikë të shpejta. Ndoshta këtu ka ndikuar edhe lodhja e ekipit mysafir që ka luajtur të dielën dhe udhëtimi i gjatë që kanë pasur. Duhet t’i uroj ata për luftën e treguar në fushë përkundër të gjithave,” ka thënë Nikolov për faqen zyrtare të BIBL.
Academic Bultex ka bilanc 6-3 pas nëntë ndeshjeve dhe thuajse ka siguruar Final Fourin e garës.
