TRAJNERI I PEJËS
Beciragic: Gjithçka ishte e qartë
26 February, 2020 @11:21
Trajneri i Pejës, Adis Beciragic, që pësoi humbjen e parë të tij si trajner i Pejës prej se u emërua, në deklaratën e tij pas humbjes nga Vllaznia ka bërë të ditur se ekipi vuajti mungesat.
Ai ka thënë se gjithçka ishte e qartë posa ia nisi ndeshja.
“Gjithçka ishte e qartë - ata luajtën më mirë se ne dhe kishin shumë më shumë energji,” tha fillimisht Beciragic transmeton faqja zyrtare e BIBL.
“Neve na munguan Dardan Berisha dhe Drilon Hajrizi, veçanërisht në pjesë të dytë kur ne u desht t’i përdorim lojtarët e rinj. Duruam vetëm 20 minuta, pasi që mungesat e bënë të veten. Sigurisht, Vllaznia luajti më e organizuar. Synimi ynë është të bëhemi kampionë. Secila skuadër që luan në këtë garë, duket të ketë këtë synim,” ka thënë ndër të tjera trajneri i Pejës.
Peja që pësoi nga Vllaznia dje, në përballjen e parë të fazës së dytë të garave të BIBL, ndeshjen e radhës do ta ketë ndaj Rahovecit më 4 mars në Karagaç.