Nis shitja e biletave për Rahoveci - Ibri

KB Rahoveci është në kërim të fitores së radhës në BIBL, ndërsa kundërshtari i radhës për vreshtarët është Ibri i Rozhajes.

Dueli zhvillohet nesër në Mizahir Isma të Rahovecit, që pritet si zakonisht të jetë përplotë, ndërsa klubi ka bërë të ditur se shitja e biletave ka filluar prej sot, në zyren e klubit pranë palestrës.

Vreshtarët e drejtuar nga Marjan Ilievski, të cilit i kanë dhënë përkrahje për vazhdim të stinorit pas mosarritjes së finales së Kupës së Kosovës, kanë bilans të njëjtë me Ibrin pas fazës së parë në BIBL. Të dyja skuadrat kanë nga 3 fitore e 5 humbje.

Në përballjen e parë mes skuadrave në fjalë Ibri e kishte mposhtur Rahovecin në Mizahir Isma 74-77, ndërsa në ndeshjen e tyre të kthimit në Rozhajë të Malit të Zi Rahoveci kishte fituar 67-72.

Tash, nënkampioni aktual i Kosovës po kërkon fitoren e katërt të stinorit në BIBL si dhe të parën ndaj Ibrit si vendas, për të përmirësuar edhe më tej bilansin në fazë të dytë të ndeshjeve në kuadër të ligës ballkanike të basketbollit.

Ndeshja do të referohet nga treshja Ognjen Jokic, Vladan Sundic dhe Milosav Kaludjerovic, ndërsa luhet nesër (26 shkurt) me fillim prej orës 19:00.

TABELA AKTUALE E BIBL:

1. Academic Bultex 7-1
2. Peja 5-3
3. Rahoveci 3-5
4. Ibri 3-5
5. Vllaznia 2-6