Dalin në shitje biletat për ndeshjen Vllaznia-Peja

Nga klubi i Vllaznisë së Shkodrës, pjesëmarrës në BIBL, kanë bërë të ditur se sot kanë dalë në shitje biletat për ndeshjen Vllaznia - Peja, që zhvillohet nesër në Qazim Dervishi të Shkodrës.

Biletat shiten në disa pika të qytetit ndërsa çmimi i tyre është 200 lekë (rreth 1.5 euro). Libraria Ora e Shkodrës, Sofra Corner, Barkafe, Universal Multimedia Store dhe pikat e shitjes së gazetave pranë hotelit Rozafa e Parruce - janë pikat ku po shiten ato.

Vllaznia ka përfunduar pjesën e parë të stinorit në BIBL me bilans 2-6, ndërsa Peja 5-3. Këto janë fazat e dyta të ndeshjeve para përcaktimit të skuadrave që shkojnë në katërshen finale.

Ndeshja Vllaznia-Peja luhet nesër (25 shkurt) me fillim prej orës 18:00 ndërsa referë të ndeshjes janë: Ognjen Jokic, Vladan Sundic dhe Milosav Kaludjerovic.

Në dy duelet e mëparme të stinorit Peja ka mposhtur shkodranët brenda dhe jashtë. Në Karagaç 78-67, ndërsa në Qazim Dervishi 87-91.