KONFIRMOHET
Bekaj merr ftesë nga Kosova
25 May, 2021 @16:05
Portieri Visar Bekaj është përfshirë në listën e përzgjedhësit të Kosovës, Bernard Challandes, për ndeshjet e muajit qershor.
Ftesën e portierit prishtinas e ka konfirmuar vet klubi i tij nga kryeqyteti i Shqipërisë, KF Tirana.
“Portieri i Tiranës Visar Bekaj është grumbulluar nga përfaqësuesja e Kosovës për ndeshjet që do të zhvillohen përgjatë muajit qershor. Gardiani bardh’e blu do të grumbullohet me skuadrën në fillim të muajit të ardhshëm. I urojmë suksese në përballjet e rradhës”, thuhet në njoftimin e klubit tiranas.
Bekaj është futbollist i grumbulluar rregullisht në përfaqësuesen e Kosovës, duke qenë kryesisht zgjedhja e tretë në portë pas Samir Ujkanit dhe Aro Muricit.
Kosova në qershor do të luajë kundër San Marinos (1 qershsor), Maltës (4 qershor), Guinesë (8 qershor) dhe Gambisë (11 qershor).