AFËR ZGJEDHJEVE
Bekim Shotani shpallë kandidaturën për kryetar të FFK-së?
28 April, 2021 @8:52
Trajneri i njohur kosovar, Bekim Shotani, pritet të jetë njëri ndër kandidatët për kryetar të Federatës së Futbollit të Kosovës.
Ai nëpërmjet një postimi në Facebook, ka bërë publike kandidaturën e tij, por që shenja me “pikëçuditëse” në fund të postimit ka lënë derën e hapur edhe për konkludim të kundërt.
Më parë, në medie vendore është përfolur edhe për kandidaturën e mundshme të Nexhat Dumnicës, ish donator i klubit të Llapit, si dhe ish futbollistit të Lirisë, Prishtinës dhe Dinamo Zagrebit, Kujtim Shalës.
Kryetari aktual i FFK-së është Agim Ademi, i cili ishte zgjedhur në këtë post në korrik të vitit 2018 dhe pritet të rikandidohet përsëri.
Data e mbajtjes së mbledhjes për Kuvendin Zgjedhor të FFK-së ende nuk është caktuar.
