FERIZAJ - LLAPI
Berat Hyseni siguron fitoren në fund
28 May, 2017 @18:34
Sulmuesi i Llapit, Berat Hyseni, ka shënuar në minutën e 89’ të ndeshjes ndaj Ferizajit, për t’ia siguruar fitoren skuadrës së tij në ndeshjen e fundit të këtij edicioni të Superligës.
Me golin e Hysenit, Llapi fitoi me rezultat 2-1 dhe e përmbylli kampionatin në pozitën e tretë.
Golin e parë të ndeshjes e shënoi Kushtrim Shabani i Llapit, derisa në minutën 40’ rezultatin në 1-1 e barazoi sulmuesi i ferizajasve, Shkëmbim Salihu.
Ferizaji me këtë rezultat e përfundoi kampionatin në pozitën e dhjetë dhe tani do të duhet të ballafaqohet në Playout me Vllazninë e Pozharanit, për të siguruar mbijetesën në Superligë.
