Fitorja s’e shpëton Dritën nga Playout-i

Skuadra e Dritës e ka mbyllur me fitore edicionin e sivjetëm të Superligës, duke e mposhtur Besën e Pejës me rezultat 2-0.

Megjithë fitoren, gjilanasit nuk arritën t’i shmangen Playout-it, për shkak të fitores së thellë të rivalit të drejtpërdrejtë në luftë për mbijetesë, Lirisë, e cila e mposhti Hajvalinë me rezultat 9-1.

Golat e fitores për Dritën u shënuan nga Semir Zeneli në minutën 23’ dhe Leotrim Kryeziu, i cili shënoi nga penalltia në minutën 53’.

TABELA AKTUALE

Për ta siguruar mbijetesën, Drita tani do të duhet të kalojë me sukses përballjen e Playout-it ndaj Dukagjinit të Klinës.