Pa befasi, Barca fiton Kupën e Mbretit

Ashtu siç edhe pritej, Barcelona nuk ka lejuar që ky sezon të mbyllet pa trofe dhe e ka mposhtur skuadrën e Alavesit në finalen e Kupës së Mbretit, për ta fituar kështu këtë trofe. Kjo është hera e tretë radhazi që Barcelona e fiton Copa Del Rey-n.

Alavesi zhvilloi një pjesë të parë kryesisht të mirë deri pak para fundit të saj, kur Barcelona e udhëhequr nga një super Messi krijoi avantazh të dyfishtë, avantazh ky që ishte i paarritshëm për inferiorët e Alavesit dhe takimi u mbyll me rezultatin final 3-1.

Kjo fitore e Barcës nënkupton që në muajin gusht na pret një ‘El Clasico’  me sistemin vajtje-ardhje në kuadër të Superkupës së Spanjës.