Berisha falenderon Shkëmbin

Futbollisti kosovar Bernard Berisha, që tash luan në elitën ruse për Anzhin, ka falenderuar ish kapitenin e tij te Skënderbeu, Blendi Shkëmbi për mësimet që i ka dhënë sa ka qëndruar atje.

Shkëmbi është pensionuar nga futbolli aktiv me të përfunduar stinori në Kategorinë Superiore, ndërsa Berisha nga Rusia e ka përshëndetur me këto fjalë.

“Falemnderit kapiten! Jam krenar që kam luajtur krah teje dhe kam fituar me ty. E mbylle karrierën si legjendë. Të uroj të gjitha të mirat në jetë!” kanë qenë fjalët e Berishës shkruar në profilin e tij në Facebook sot.

Skënderbeu është shpallë gjashtë herë kampion radhazi në Shqipëri në vitet e fundit, ndërsa Berisha ka qenë pjesë e palëkundur e 11-shes së parë të ekipit deri në janar të këtij viti kur kaloi te Anzhi.