BESART BERISHA
Berisha: Kam biseduar me De Biasin para se ta pranoj Kosovën
16 March, 2017 @18:19
Sulmuesi Besart Berisha, i cili është njëri prej emrave më të rinj të përfaqësueses së Kosovës, ka bërë të ditur se para se të zgjedhte Kosovën, ka biseduar edhe me përzgjedhësin e Shqipërisë, Gianni De Biasin.
“Kam pasur bisedë me De Biasin para se të vij në Kosovë. Kam respekt për De Biasin, por Kosova ka pasur nevojë për mua dhe kam ardhur t’i ndihmoj,” ka thënë Berisha në konferencën e organizuar për shtyp në ambientet e aeroportit ndërkombëtar të Prishtinës, “Adem Jashari”, raporton KTV.
Ai gjithashtu u shpreh se ndjehet i lumtur që ndodhet këtu dhe do të luaj për Kosovën, ndërsa tha se dëshira e tij është të shënoj sa më shumë gola që është e mundur me fanellën e Kosovës.
Futbollisti që më parë mbronte ngjyrat e kombëtares së Shqipërisë, sot ka arritur në Prishtinë për t’iu bashkuar ekipit të Kosovës për ndeshjen kualifikuese ndaj Islandës më 24 mars.
