KOSOVA U21
Bersant Celina: Ekip fenomenal, besoj në fitore
11 June, 2017 @12:09
Futbollisti i përfaqësueses së Kosovës, Bersant Celina, që kësaj radhe do t’i ndihmojë bashkëlojtarëve U21 të Kosovës, pasi që u grumbullua me ekipin në Drammen në Norvegji, është shprehur tejet pozitivisht para lojës.
“Kjo ishte stërvitja ime e parë me këtë grup të futbollistëve dhe jam shumë i kënaqur me atë çfarë ata treguan. Vërtet është një grup i futbollistëve të talentuar dhe bashkëpunues. Me një fjalë janë fenomenal, prandaj besoj se të hënën do t’i gëzohemi fitores,” ka thënë Celina për FFK-në.
Kosova U21 zhvillon ndeshjen e dytë kualifikuese në grup, ndaj Norvegjisë U21 në Drammen.
