KOMUNIKATË E FC BESA
Besa mohon thashethëmet, garat vazhdojnë!
17 August, 2022 @14:41
Pas raportimeve të pakonfirmuara në disa media, se tri-herë kampioni i Kosovës, Besa, po shuhet, skuadra pejane ka dalë me një komunikatë sot, duke mohuar këtë gjë.
Edhe pse aty thuhet se Besa është në krizë financiare dhe i duhet ndihmë, nuk e mohon vazhdimin e garave, përkundër, thotë se është regjistruar për të marrë pjesë në Ligën e Dytë të Kosovës, kategoria e tretë e futbollit kosovar.
PJESËMARRËSIT E KËTIJ SEZONI NË LIGË TË DYTË
“FC Besa është regjistruar pranë FFK për garat e sezonit 2022/23. FC Besa nuk do të shuhet. FC Besa është duke u ballafaquar me probleme financiare serioze dhe kontributi i secilit dashamirës të klubit në çfarëdo forme, është i mirë se ardhur,” ka shkruar ndër të tjera klubi pejan.
Kujtojmë, Besa qe disa vite luante në Ligë të Parë, e pas krizës së radhës në sezonin e kaluar ekipi nuk arriti të sigurojë mbijetesën në Ligë të Parë, duke rënë në Ligë të Dytë.