XHIROJA E FUNDIT!
KF Shkëndija, kampione e Ligës së Dytë!
29 May, 2023 @0:01
Me fitoren e shënuar ndaj Rilindjes të dielën, KF Shkëndija e Hajvalisë ka fituar titullin kampion të Ligës së Dytë të Kosovës në futboll dhe me këtë kanë siguruar pjesëmarrjen në Ligë të Parë të Kosovës për sezonin e ardhshëm.
Kjo do të jetë për herë të parë që ekipi i themeluar së voni do të merr pjesë në Ligë të Parë, ndërsa në përballjen e sotme, fitorja erdhi në pjesë të dytë, ku edhe u sigurua trofeu me përfundimtaren: Shkëndija 3-1 Rilindja [Fatlind Azizi 46pen., Toni Salihu 57’, Lorik Dobratiqi 72’ - Albin Jakupi 88’].
Pos Shkëndijës, Ligën e Parë e ka siguruar edhe Dinamoja e Ferizajit që ka përfunduar në pozitë të dytë të renditjes tabelare, duke e lënë KEK-un pas.
