NË AUSTRALI
Besart Berisha sjell fitoren
29 December, 2017 @12:26
Sulmuesi i reprezentacionit të Kosovës, Besart Berisha, ka shënuar sot golin e fitores për ekipin e tij, Melbourne Victory në përballje ndaj Newcastle Jets.
Ndeshja në pjesën e parë kishte përfunduar baraz, 1-1, pasi që vendasit kishin dalë në epërsi nme golin e Costa Barbarouses, ndërsa mysafirët barazuan para pushimit, kur Jason Hoffman shënoi për 1-1.
Sidoqoftë, Besart Berisha, që së fundi zgjati kontratën me ekipin e tij, ka dalë shpëtimtar.
Ai shënoi (53’) pas asisitimit të Leroy George për 2-1, për t’ia dhënë fitoren e radhës ekipit të Melbourne Victory.
Ky ka qenë goli i pestë i stinorit për Berishën, ndërsa Victory tash është ngritur mbi rivalin lokal City në klasifikim dhe i është afruar Newcastle Jetsit në pozitën e dytë për 5 pikë pas 13 xhirove të zhvilluara në A-Ligën australiane.
