GERARD DEULOFEU
Para rikthimit në Milano
28 December, 2017 @13:29
Lojtari i rikthyer te Barcelona, Gerard Deulofeu, pritet të bëhet pjesë e Interit shpejtë, shkruajnë mediat spanjolle sot.
Diario Sport ka bërë të ditur se 23 vjeçari ofanziv i ekipit katalonas do të huazohet te Inter për dy vitet e ardhshme.
Për katalonasin Deulofeu, Serie A dhe stadiumi San Siro nuk është i panjohur, pasi që ai në pjesën e dytë të stinorit 2016/17 ka qenë pjesë e rivalit lokal të Interit, Milan.
Në stinorin e kaluar për Milanin, Deulofeu ka zhvilluar 17 ndeshje dhe ka shënuar 4 gola, ndërsa në verën 2017, Barcelona e ktheu lojtarin nga Evertoni në Camp Nou.
Këtë stinor, Deulofeu me Barcelonën ka pasur nëntë paraqitje dhe ka shënuar një gol.
