Biletat Kosovë-Kroaci, gati këtë javë

Kosova po përgatitet për organizimin e ndeshjes së parë si vendase në kualifikimet për Kampionatin Botëror.

Pas barazimit 1-1 si mysafir kundër Finlandës, ‘Dardanët’ tani do ta presin përfaqësuesen e Kroacisë në stadiumin Loro Boriçi në Shkodër, ndërsa informacionet e fundit lidhur me këtë ndeshje i ka dhënë për gazetën Koha Ditore sekretari i FFK-së, Eroll Salihu.

Ai tha se biletat për këtë ndeshje do të shiten në të gjitha qytetet e Kosovës dhe një pjesë tjetër në Shqipëri, ndërsa çmimi i tyre nuk do të dallojë nga çmimet e biletave të miqësoreve të mëparshme.

“Shumica e biletave do të shiten në Kosovë. Këtë javë besojë se duhet të shtypen dhe më pas të dalin në treg,” tha Salihu.