RAUNDI II I EUROPA LIGËS
Biletat Shkëndija-Helsinki, në shitje
10 July, 2017 @12:39
Nga mesdita e sotme, kanë dalë në shitje biletat për ndeshjen e raundit të dytë kualifikues të Europa Ligës, ndërmjet Shkëndijës dhe Helsinkit, ka bërë të ditur vetë klubi kuqezi nga Tetova.
Shkëndija ka eliminuar në raundin e parë ekipin e Dacia Chisinaut, ndërsa tash do të ketë përballë ekipin nga kryeqyteti i Finlandës.
Biletat për këtë ndeshje që zhvillohet më 13 korrik me fillim në ora 18:00 në Strumicë të IRJ Maqedonisë, mund të blihen në fan shopin e klubit, pranë stadiumit ku zhvillohet ndeshja dhe përmes mktickets.mk, ndërsa kanë çmimin afro 3 euro për copë.
