Celina kontratë 4 vjeçare me Cityn

Bersant Celina ka arritur marrëveshje me gjigantin anglez, Manchester City, për të nënshkruar kontratë të re katër vjeçare.

Lajmi sapo është bërë i ditur nga mediat britaneze, ndërsa nesër pritet edhe zyrtarizimi i kontratës.

Celina, megjithëse vetëm 19 vjeçar, këtë stinor ka arritur të debutojë me ekipin e parë të Manchester Cityt, duke pasur rastin t’i dëshmojë vlerat e tij.

Reprezentuesi i përfaqësueses së Kosovës nga kontrata e re që do ta lidh atë deri në fund të stinorit 2019/20 në Manchester City, do të përfitojë 12 mijë funte në javë, shkruan The Independent.