CELINA MBETET
Celina vazhdon edhe 4.5 vjet me Cityn
6 May, 2016 @23:15
Në një intervistë për kanalin televiziv norvegjez TV2, Bersant Celina ka konfirmuar se shumë shpejt do të firmoset edhe marrëveshja për zgjatjen e kontratës me 4 vite e gjysëm të tjera.
“Jam shumë i lumtur te City. Jam shumë i lumtur dhe besoj se kam të ardhme te City. Ata e kanë shfaqur besimin e tyre tek unë duke më dhënë mundësinë të luaj me skuadrën e parë dhe duke më ofruar tani kontratën e re.” - tha Celina për TV2.
“Mezi pres të punoj me Guardiolën. Do të jem në turin parasezonal në verë. Më pas le të shohim. Nuk do të isha kundër një huazimi nëse klubi mendon se është gjëja më e mirë për mua.” - shtoi 19-vjeçari.
Më pas Celina u pyet edhe rreth antarsimit të Kosovës në UEFA. “Mezi pres të luaj ndeshjen e parë zyrtare me Kosovën, e cila është me 3 qershor kundër Ishujve Faroe.” - përfundoi ai.
