Hajvalia dhe Besa, skuadrat me mbrojtje të forta

Hajvalia që gjendet në pozitën e dytë të tabelës dhe Besa, që është e pesta në klasifikim, janë skuadrat që në 15 ndeshje këtë stinor kanë dalë nga ndeshjet me porta të paprekura.

Portat e paprekura tregojnë një nivel më të lartë të mbrojtjes që pa marrë parasysh rezultatin, skuadrat tregojnë koordinim të madh dhe koncentrim për të mos pranuar gol gjatë 90 minutave.

LISTA E PORTAVE TË PAPREKURA

Pas Hajvalisë dhe Besës, që janë dy të parat në listë, vinë Ferronikeli dhe Gjilani me nga 12 ndeshje portash të paprekura.

Ndërsa e fundit në klasifikim në këtë listë është Drenica, që brenda 29 xhirove ka kaluar vetëm në 6 ndeshje pa pranuar gol.