LAKERS - CLIPPERS
FOTO / nba
Clippers fiton derbin e LA
29 December, 2018 @10:47
Në derbin e luajtur në mes të Lakersit dhe Clippersit, fitues doli Los Angeles Clippersi duke e mposhtur kundërshtarin me rezultat 107-118.
Lakersat ishin në epërsi deri në çerekun e katërt, por me një seri të njëpasnjëshme të shënimeve, skuadra e trajnerit Doc Rivers e regjistroi fitoren e radhës.
Lou Williams shkëlqeu me 36 pikë, 7 kërcime e 3 asistime, derisa u dallua edhe italiani Danilo Gallinari me 19 pikë të tjera.
Los Angeles Lakers luajti përsëri pa super yllin LeBron James, kurse më i miri ishte Kyle Kuzma me 24 pikë të shënuara.
Clippers me 21 fitore e 14 humbje aktualisht gjendet në pozitën e katërt në Konferencën Perëndimore, derisa Lakers me këtë humbje u vendos në pozitën e shtatë me 20 fitore e 16 humbje.
