RUSËT NË FINAL FOUR
CSKA i bashkangjitet Fenerit në Final Four
23 April, 2015 @9:15
CSKA Moska ka treguar fuqinë ekipore ndaj Panathinaikosit në ndeshjen e katërt të Play-Offit, për t’i eliminuar grekët dhe për tu kualifikuar në Final Four 2015 në Madrid.
Panathinaikos edhe pse luante si vendas dhe kishte mundësinë që të barazonte serinë në 2-2, nuk e arriti këtë, pasi që loja e CSKA-së që nga fillimi i ndeshjes bëri grekët të ndjekin rezultatin gjatë gjithë ndeshjes për të mos e arritur kurrë epërsinë.
Nando De Colo ka qenë më efikasi te ekipi rus, që po drejtohet nga Dimitris Itoudis. De Colo shënoi 18 pikë në fitoren e ekipit të tij, derisa pikë dyshifrore shënuan gjithashtu edhe Andrei Kirilenko 13 pikë + 10 kërcime, Kyle Hines 12 pikë dhe Sonny Weems 11 pikë + 4 asistime.
Te Panathinaikos, më i dalluari ishte Nikos Pappas me 11 pikë të shënuara dhe 5 topa të vjedhura!
Me fitore, CSKA bëhet skuadra e dytë që arrin Final Fourin e Euroleague, pas Fenerbahçes, derisa në Final Four pritet të ndeshet me fituesin e ndeshjes, Real Madrid - Anadolu Efes.
SKEMA EUROLEAGUE PLAY-OFF DHE FINAL FOUR
Video
Panathinaikos - CSKA
