Fantasy TopSporti
Të gjitha lajmet
Tabelat dhe Rezultatet

BALLKANI - BESA

Daku 2x, Ballkani bindshëm

Daku 2x, Ballkani bindshëm


31 October, 2020 @15:19

Pas fitores dramatike ndaj Prishtinës në mesjavë, Ballkani sot ka shënuar edhe një tjetër fitore me rëndësi.

Sot djemtë e drejtuar nga Ismet Munishi e mposhtën 4-1 (Mirlind Daku (P) 27’, 30’, Meriton Korenica 80’, Egzon Sinani 89’ / Donat Sheqerolli 70’) Besën nga Peja, për ta vazhduar kështu kryesimin e Superligës.

TABELA AKTUALE

Në formë edhe sot ishte Mirlind Daku, që shënoi dy herë, fillimisht nga penalltia në minutën e 27’ e më pas nga loja e hapur tre minuta më vonë. Me dy golat e shënuara sot Daku tashmë ka 17 gola të shënuara deri më tash në këtë sezon të Superligës, një shifër e jashtëzakonshme kur dihet që janë luajtur vetëm 10 xhiro.

Në pjesën e dytë, pejanët arritën ta ngushtojnë rezultatin në minutën e 70’ përmes Donat Sheqerollit, mirëpo Ballkani nuk lejoi ndonjë befasi eventuale dhe shënoi edhe dy herë për ta mbyllur ndeshjen me rezultat bindës 4-1.

Fillimisht për 3-1 shënoi Meriton Korenica (80’), e më pas listën e golashënuesve e përmbylli Egzon Sinani 89’.

Xhiron që vjen, Ballkani i shkon Niklit në Drenas, kurse Besa e pret Drenicën në shtëpi.


 
Të gjitha lajmet nga FFK Superliga