DEKLARATA E PARË E DE BIASIT PAS SHORTIT
BOROZANI/L.D.
De Biasi: S’kemi presion
12 December, 2015 @20:59
Përzgjedhësi historik i Shqipërisë, Gianni De Biasi, menjëherë pas shortit për mikrofonin e faqes zyrtare të UEFA-së ka thënë se nuk është fare i brengosur për shortin, pasi që Shqipëria nuk ka presion fare.
“Nuk jam fare i brengosur pasi që ne jemi në vazon e katërt dhe çkado që të na dilte ka qenë më e fortë se ne. Ne po luajmë ndaj nikoqirëve të cilët janë favorit për të fituar turneun. Aty janë edhe Zvicra e Rumania, dy ekipe shumë të forta. Fuqia jonë është se nuk kemi fare presion, kështu që çdo gjë që bëjmë do të jetë befasi. Kjo është një përvojë e rëndësishme për ne. Lojtarët do të tregojnë tërë cilësitë e tyre në këtë kampionat,” ka thënë De Biasi.
Shqipëria është tërhequr në Grupin A të EURO 2016 me kundërshtarë Francën, Zvicrën dhe Rumaninë. Ndeshjen e parë Shqipëria do ta luajë ndaj Zvicrës.
