LIVERPOOL - ARSENAL
Derbi i takon Liverpoolit, Arsenali del nga top4
4 March, 2017 @20:23
Pa Ozilin e sëmurë dhe me Sanchezin e lënë në bankën rezervë për arsye që vetëm Arsene Wenger i din, Arsenali u tregua skuadër e pafuqishme për Liverpoolin e Kloppit sot.
Ashtu si në shumicën e ndeshjeve ndaj rivalëve direkt, Liverpooli edhe sot shënoi fitore, duke u ngritur në pozitën e tretë të paktën përkohësisht.
Liverpooli krijoi epërsi dy golëshe falë Firminos e Manes në pjesën e parë, ndërsa shkëndijat e para të rikthimit të Arsenalit erdhën në pjesën e dytë, me Danny Welbeckun që e gjeti golin. Mirëpo, përkundër tentimeve të vazhdueshme, goli i barazimit nuk erdhi në asnjë moment. Përkundrazi, Liverpooli e gjeti edhe golin e tretë me holandezin Wijnaldum, për ta larguar kështu nga top4 skuadrën e francezit Wenger.
Pjesë e skuadrës startuese për Arsenalin sot ishin edhe dyshja me origjinë shqiptare, Granit Xhaka e Shkodran Mustafi, të cilët bashkë me skuadrën e tyre ishin të pafuqishëm ndaj sulmeve të shpejta të vendasve të Liverpoolit.
