Dinamo favorit, por e mposhtim!

Mediat kroate para ndeshjes Skënderbeu-Dinamo, kanë bërë një intervistë të shkurtër me kapitenin e korçarëve, Bledi Shkëmbi. 

Shkëmbi, që ka luajtur një kohë për Rijekën në Kroaci, ka thënë se Dinamo është favorit në këtë ndeshje, por Skënderbeu ka forcat e veta dhe posaçërisht që luan si ekip. 

“Kryetari ynë gjithmonë kërkon fitore dhe na ka bindur se do të mund të mposhtim edhe Dinamon. Ne e dimë që do të jetë vështirë. Dinamoja është favorite, ka përvojë europiane, mirëpo, Skënderbeu është i fortë si ekip. Nuk kemi yje në ekip, por kemi fuqinë ekipore,” ka thënë Shkëmbi, shkruan Jutarnji sot. 

Skënderbeu është ekipi i parë shqiptar që arrin Play-Offin e Ligës së Kampionëve dhe është vetëm një hap larg kualifikimit në fazën grupore. 

Në rast eliminimi, Skënderbeu gjithashtu do të shkruajë historinë e futbollit shqiptar duke kaluar në fazën grupore të Europa League.