Arsim Gojani bashkë me shtabin teknik japin dorëheqje

Para pak çastesh, pas rezultateve të dobëta përkundër përforcimeve të ardhura në klub gjatë janarit, nga KF Vëllaznimi ka dhënë dorëheqje kryetrajneri Arsim Gojani dhe shtabi teknik i ekipit.

Dorëheqja e tyre është e parevokueshme, ndërsa Bordi i ekipit ka bërë të ditur se brenda ditëve ne vijim do të njoftojnë për shtabin e ri teknik të ekipit.

TABELA AKTUALE

“Pas rezultateve negative të katër xhirove të para, kryetrajneri Arsim Gojani dhe shtabi teknik kanë ofruar dorëheqje të parevokueshme. Pas ndeshjes së sotme, është mbajtur mbledhja e Bordit drejtues të klubit, ku Bordi ka miratuar dorëheqjen e shtabit teknik dhe falenderoi kryetrajnerin Gojani dhe shtabin teknik për kontributin e dhënë dhe angazhimin e tyre të palodhshëm gjatë këtyre tri muajve. Për më shumë informata rreth shtabit të ri teknik do t’ju informojmë në ditët në vijim,” ka shkruar njoftimi i KF Vëllaznimit lëshuar pak më parë.

Vëllaznimi sot ka pësuar nga Trepça në Gjakovë, 1-2. Gjakovarët janë të fundit në renditjen tabelare të Ligës së Parë Grupi A, ndërsa u duhet mrekullia për të shpëtuar nga rënia në Ligën e Dytë të Kosovës, që është kategori e tretë e futbollit kosovar.

Nëntë xhiro para fundit të stinorit, Vëllaznimi ka 2 pikë dhe është i fundit në renditje të Ligës së Parë Grupi A, ndërsa ekipi më i afërt për ta, është A&N në pozitën e parafundit me 20 pikë!