AKTI I PARË
BOROZANI/Erdis Driza
Drejt trofeut!
21 April, 2015 @9:23
Me të përfunduar mbrëmë stërvitja e fundit para ndeshjes finale, basketbollsitët bardhekaltër kanë filluar numërimin mbrapsht të orës së nisjes së ndeshjes finale.
Sigal Prishtina duket të jetë tërësisht gati para duelit me Rilski Sportistin bullgar sonte, që fillon nga ora 18:30 në Pallatin e Rinisë dhe të Sporteve, në Prishtinë.
Derisa publiku pritet ta mbushë palestrën, trajneri Marjan Ilievski u ka tërhequr vërejtjen të gjithëve në konferencën e djeshme për shtyp duke thënë se loja zgjat 80 minuta. Pra, duhet llogaritur se ka edhe një ndeshje, këtu nuk përfundon asgjë.
Rilski, që ka fituar trofeun e ligës ballkanike në vitin 2009, po e kërkon të dytin. Trajneri i bullgarëve, Rosen Barchovski u ka bërë me dije të gjithëve se atmosfera nuk do të ndikojë te lojtarët e tij, derisa amerikani Vernon Taylor është shprehur se ekipi i tyre për herë të parë do të luaj ndaj Prishtinës pa të lënduar.
Me shpresë që të përsëriten dy paraqitjet e kaluara të Sigal Prishtinës ndaj Rilskit edhe në finale, sonte nis akti i parë i betejës finale.
Deklarata e Vernon Taylor dhe Rosen Barchovski para ndeshjes.
Deklarata e Marjan Ilievski dhe Dardan Berisha para ndeshjes.
