Dua të jem i suksesshëm te Prishtina

Përforcimi amerikan i Sigal Prishtinës, Andrew Warren, do të jetë një nga armët e rëndësishëm të prishtinasve në aspektin ofansiv.

Warren, në konferencën e sotme për shtyp, është shprehur se ndjehet i emocionuar që është këtu, dhe se para se të transferohej kishte bërë ca hulumtime në lidhje me Sigal Prishtinën.

“Jam i emocionuar që jam pjesë e ekipit që ka shkruar historinë dhe me tifozë si Plisat, pasi para se t’i bashkohem kam bërë disa hulumtime. Këtë edicion mund të bëjmë gjëra të mira, duke fituar trofe. Dua të jem i suksesshëm te Prishtina dhe besoj se kjo nuk do të jetë problem për klubin tonë”, ka thënë Warren.

Warren, së bashku me përforcimin tjetër të ri të prishtinasve, Willie Kemp, dje patën zhvilluar stërvitjen e parë me ekipin e Sigal Prishtinës.