DRENICA - GJILANI
Dubova shpëton Gjilanin, ndahen pikët në Skenderaj
21 August, 2021 @19:14
Pa fitues është mbyllur dueli i sotëm mes Drenicës dhe Gjilanit në Skenderaj.
Skuadrat në fjalë pas 90 minutave lojë barazuan 1-1 (Denisson 15’ / Muhamed Dubova 90+3’).
Serinë e golave për Drenicën sivjet e hapi Denisson, që realizoi një supergol nga gjuajtja e lirë në minutën e 15’ të ndeshjes.
Që nga goli i Denisson, rrjetat ishin të paprekura deri pak para fundit të ndeshjes.
Kur u mendua që ndeshja do të përfundonte me fitoren e Drenicës, ishte skuadra mysafire ajo që e tha fjalën e fundit. Një pikë Gjilanit ia siguroi goli i Dubovës në minutën e 90+3’, dhe kështu skuadrat u ndanë me barazim.
Xhiron e ardhshme, Drenica i shkon Dukagjinit në Klinë, kurse Gjilani udhëton në Drenas për të luajtur me Niklin.
