Dy talentë të Dritës marrin kontratat profesionale

Futbollistët e rinj të klubit të Dritës së Gjilanit, Yll Ibrahimi dhe Dienit Isufi - tash e tutje do të nisin karrierën e tyre si lojtarë seniorë, pasi që sot edhe zyrtarisht kanë nënshkruar kontratat e para të tyre profesionale.

Drita ka bërë të ditur se Ibrahimi (mbrojtës i majtë) dhe Isufi (mesfushor qendror) kanë ushtruar për disa muaj me lojtarët e ekipit të parë dhe pasi bindën stafin e trajnerëve të klubit, klubi u ofroi kontrata afatgjate, duke mos bërë të ditur se sa vjeçare u nënshkrua.