Dygolësh i Eminhazirit, Liria bie në Gjilan

Me fitoren e vendasve u mbyll takimi i luajtur sot mes Gjilanit e Lirisë, me rezultatin final të takimit që shënoi 2-0 në të mirë të vendasve.

Epërsia e vendasve erdhi nga goli i Isa Eminhazirit në minutën e 8’, i cili shënoi pas asistimit të Betim Haxhimusës. Vazhdimi i pjesës së parë ishte i qetë, me Gjilanin që kishte më tepër kontroll të lojës, ndërsa rasti i vetëm për t’u përmendur përveç golit është ai i minutës 41’, moment në të cilin Arbios Thaçi i vendasve gaboi përballë portierit prizrenas, duke bërë kështu që pjesa e parë të mbyllet 1-0.

5 minuta pas fillimit të pjesës së dytë, në skenë doli përsëri Eminhaziri, i cili me një lëvizje të mirë me top, u lirua dhe shënoi për epërsinë e dyfishtë të vendasve.

Në anën tjetër, Liria tentonte herë pas here përmes Chibuezes e Fetahajt, mirëpo epërsia vendase veç ishte krijuar dhe për një barazim eventual ishte vonë.

Kjo fitore e mban Gjilanin të qetë në mesin e tabelës, derisa Lirinë e afron shumë me zonën e ‘ftohtë’.

TABELA AKTUALE SUPERLIGA